Thursday, February 17, 2011

Projek Nyukat Perimeter Tanah

KUCHING: Projek nyukat perimeter tanah ke laun dikereja ba menua tu ketegal pengurang pengereja pengawa, ku Menteri muda Pengatur Pemansang enggau Pemansut Pengeraja Asal, Naroden Majais.

Ku iya, perintah diatu benung ngerunding deka ngambi pengereja pengawa dikena napi penanggul nya.

"Ba Sarawak, kitai bisi 11 pelilih menua lalu kitai betapi enggau penanggul enda chukup pengereja pengawa ke ngujungka kitai enda ulih berumban nyukat perimeter tanah. Taja pia, perintah merambu deka nambahka pemayuh pengereja pengawa ngambika kereja nyukat muntang dipejalaika," ku iya.

... Iya mega madah, kelimpah ari enda chukup pengereja pengawa, pemesai tanah sereta palan ke ngachir kin kitu mega sebengkah penanggul proses nyukat perimeter tanah.

...Ngenang pasal jaku tuduh raban penyakal ke madahka rayat enda pechayaka perintah agi bekaul enggau pengawa nyukat tanah ba menua tu, Naroden madahka, laban sida tu endang penyakal nya alai semua atur ke dikereja perintah endang enda betul magang ba sida.


Engkerumung: Kitai bala mayuh seruran nganti tanah kitai diberi pala tauka geran tanah. Nyadi ba penemu aku bala mayuh, kitai endang nemu menua kitai Sarawak tu sigi ti besai rampa menua. Pemesai tanah ke deka disukat nyau bisi 1.5 juta hektar. Sigi enda ulih lengkas meh pengawa tu enti pengereja pengawa tu ngembuan tubuh ti mimit. Anang meh kitai ngeransi, anang meh kitai nganu laban tu meh kebuah penanggul nyukat perimeter tanah kitai ba menua tu.

No comments:

Post a Comment