Unit Media Baru Pemuda PBB ngaturka pengawa Pekit Facebook

Kuching: Parti Pesaka Bumiputera Bersatu (PBB) deka ngaturka pengawa bepekit dalam media sosial Facebook belabuh dalam tarang ka datai tu ngambika Pemuda PBB cawangan ngena semua perengka media sosial ke bisi kena bejalaika pengawa sida.

Ketua Penerangan PBB Abdul Aziz Adenan madahka iya mutus ke runding deka ngaturka pengawa bansa tu laban sigi kena maya ya kelebih agi ngagai bala ahli pemuda PBB ke aktif ba dalam Facebook sereta iya berarap enggau peluang tu ulih mansar ke pengerindu dalam aktiviti sereta pemanah kaul entara cawangan parti kelebih agi.

Ketua Penerangan Pemuda PBB Negeri Sarawak - Sdr Abdul Aziz Adenan

"Pemuda Parti amat belematika penambah orang PBB baik ari peringkat Pemuda nyentukka Kaum Bapa ke bisi ngembuan sereta nguna Facebook. Tu mandangka pengawa nya manah laban ahli PBB sama-sama enggau nitih media sosial ba tikas ranting tauka cawangan."

"Kami ba Unit Media Baru deka mansar sereta mansangka pengawa nguna media sosial tu lalu deka ngaturka pengawa bepekit dalam Facebook. Entara hadiah ke deka diberi ngagai pemenang baka "laptop", "digital camcorders" enggau "digital cameras". Nambahka nya mega iya bejaku, " UMB berasai gaga ati laban ke ngaturka pengawa bepekit Facebook tu ngagai bala ahli PBB".

Sapa ke deka nemu lebih agi sereta deka enggau bepekit ulih ngerijister nyadi kaban Facebook UMB PBB. Hari penutup dalam pengawa ngerijister iya nya 1hb September 2010.